Hidhattoonni Hamas Sambata darbe gama kibba Israa’el-tti qaxxaamuranii namoota nagaa fi loltoota irratti haleellaa erga raawwataniin booda, deeggarsa Iraan garee Falasxiin Hamasiif gootu xiyyeeffannoo guddaa keessa jira. Walitti bu’iinsi kun saffisaan hammaataa dhufuu isaatiin kan ka’e lammiileen Israa’elii fi Falasxiin dhibba hedduu ajjeefamaniiru.
Haleellaan Hamaas kan Sambata darbee biyyootii jaboo kan naannoo sanaa ajaa’ibee jira, garuu xiinxaltoonni hedduun akka jedhanitti Iraan haleellaa sana dursitee mirkaneessiteetti jedha gabaasi Heenrii Riijwell London irraa erge.