Yeroo dhiyoo as waaltaalee sabaa himaa fi gaazixeessota hanga tokko irratti seeraan ala hidhanii tursiisuu fi maxxansaalee raabsamuuf qophaa’en hojiin ugguruu raawwatamuu isaa manni maree sabaa himaa Itiyoophiyaa wixata har’aa ibsa baaseen beeksisee jira. Ibsa sana ilaalchisuu dhaan VOAf ibsa ken kennan itti aanaa hoji raawwachiisaan mana marichaa obbo Taammiraat Haayiluu, gochi akkasii irratti raawwatameera kan ittiin jedhan sabaa himaalee lama sababaa kanaan hojiin isaanii guyyuu danqamuu tuqaniiru.
Seeraan ala humnootii nagaa eegisisaniin raawwatame gochi jedhan kun kan isa yaaddesse ta’uu kan tuqe ibsi mana marichaa, yeroo labsii muddamaa illee yoo ta’e, gaazxixeessotaa fi sabaa himaa ilaalchisee itti gaafatamummaan jiru seera kan hordofe ta’uu akka qabu yaadachiisaniiru jechuu dhaan Gerbemikaa’el G/Medin gabaaseera.