Artiistiin addunyaa irratti beekamaa tahe Abeel Tesfaayee kan maqaa “The Weekend “ jedhamuun beekamu dhabbata mootummoota gamtoomaniitti sagantaa nyaata addunyaaf Ambaasaddara tola-ooltummaa tahuudhaan Fandii namoomaa isaa irraa namoota gaazaa keesstti rakkataniiraniif deeggarsa doolara Ameerikaa miiliyoona 2.5 karaa sagantaa nyaata Addunyaa kenneera. Gargaarsi Artistiin kun taasises nyaata meetirik toonii 820 bituun torbanoota lamaaf lammiilee Paaleestiin 173,000 nyaachisas jedhameera.
Deeggarsi amma Artiisti Abeel Tasfaayee taasise yeroo baay’ee murteessaa ta’ettidha kan jedhe sagantaan nyaata Addunyaa , Onkololeesa Torba erga wal waraansi Israa’eelii fi Hamaas gidduutti ka’ee kaasee Gaazaa keessatti namoonni miiliyoona tokko beelaaf saaxilamaniiru. Dhaabbata mootummoota gamtoomaniitti sagantaan nyaata Addunyaa namoota lammii Paaleestiin 764,000 f qaqqabuu danda’eeras jedheera.
Abeel Tasfaayee “The Weeknd” bara 2021 ji’a Onkolooleessaarraa kaasee Ambaasaddara tola-ooltummaa sagantaa nyaata Addunyaa kan ta’e karaa sagantaa nyaata Addunyaa damee Yuunaayitid Isteetsi namoota beela’an gargaaruurratti hojii cimaa hojjechaa jiruufis Sagantaan nyaata Addunyaa galateeffateera.