Itiyoophiyaa keessatti rakkoowwan gama Siyaasaa fi kanneen biroon yeroo dheeraaf turanii fi ammallee jiranitti furmaata tolchuuf, Komishiniin Marii Biyyaaleessaa Itiyioophiyaa hundeessamee akka hojiitti jiru yeroo adda addaatti ibsamee jira. Gurmuun dhaabbatoota miti-mootummaa dhimmi mirga namoomaa irratti hojjetanii ajandaalee marii biyyaaleessaa kana keessa galuu qabu jedhu Kuumishinichaatti galchee jira.
Ajandaalee gurmuun kun galche keessaa tokko rakkoo mirga namoomaa Itiyoophiyaa keessaatiif furmaata fidhuudhaaf caaseeffamni Mootummaa sirna Paarlaamaarraa gara sirna Pireezidaantummaatti akka jijjiiramuu qabuu fi dhimma kana akka ajandaatti mariif akka dhiyaatu kan gaafatu, Dhimma kana irratti Koomishina Mirga Namoomaa kutaa Ohaayoo irraa ogeessa mirga namaa fi siyaasaa, Dr. Bayaan Asoobaa dubbisnee jirra.