Wal-dhibdeen Jillee Xummuugaa fi Efraataa Gidim Keessatti Mudate Carraaqqii Maanguddootaan Tasgabbaa’uun Himame

Maanguddoonni biyyaa fi abbootiin gadaa Sagalee Ameerikaatti akka himanitti, waldhabdee naannoo Amaaraa godina addaa saba Oromoo fi Shawaa Kaabaa keessatti mudatee lubbuu lammiilee galaafatee qabeenyaas barbadeessetti furmaata barbaaduuf akka hojjetaa jiran dubbatan. Waldhabdeen hidhannoon deggaramee torban tokko dura mudate carraaqqii maanguddootaa naannawa sanaatiin tasgabbaa’eera jechuunis itti dabalanii ibsanii jiran.