Lammileen Itiyoophiyaa biyyya Sa’ud Arabiyaa mannoottan hidhaa fi quubsamaawan adda addaa keessa turan gara biyyaatti deebisuun guyyaa har’aa Ebila 4 bara 2016 jalqabee jira. Akumma kanaan jimaata har’aa balalii xiyyaaraa lamaan namoonii 842 finfinnee galuun isaanii beekameera.
Namoottan sagaleen Amerikaa buufata xiyyaaraa Booleetti haasofsiisee, gara Sa’udiitti yemmuu imalan, namoonni heduun ajeefamuu isaanii fi kan achi gahan immoo mana hidhaa adda addaa keessa galfamuu isaanii ibsanii jiru. Dubbii himaan ministeera dhimma alaa mootummaa Itiyoophiyaa Obbo Nabiyyuu Tedilaa kana boodee Torbaniitti balalii xiyyaaraa 12 taasisuudhaan baqattoota kuma 70 ji’oottan Afuran dhufan keessatti mana hidhaa Sa’udii keessa akka gara biyyaatti deebifaman ibsaniiru.
Bulchiinsa naannoowanii wajjin ta’uudhaan hojiin namoottan biyyaati deebi’an kana deebisanii dhaabuu akka hojjatamus obbo Nabiyuu Tedilaa dabalanii Ibsuu isaanii Kenedii Abaatee Finfinnee irraa gabaaseera.