Hoggantoonni Paartii Saalsaay weyan Tigraay, Bayitoo Biyyaalesaa Abay Tigraay fi Wudib Natsanet Tigraay guyyaa har’aa ibsa kennaniin, mootummaa feedewraalaa dhimmaa Paartii tokkoo akka dhimmaa ummata naanichaa godhee fudhaachuu hin qabuu jedhaniiru.
Dura taa’a paartii Salsayi weyan kan ta’an obbo Aluula Hayiluu, wal dhiibbaan taayitaadhaaf taasifamuu ummataa Tigraay fi naanichaa miidhuu danda’a jedhaniiru.
Itti aanaa dura taa’an Paartii Baayitoonaa obbo Yoseef Berehe, gama isaaniitiin, siyaasa naanichaa hiikuudhaaf bulchiinsaa naannoo hundaa hirmaachisee dhaabuun barbaachisaadhaa jedhaniiru.
Dura vtaa’an Paartii Wudib natsinet Dr. Dejenee Mezigebe mootummaan feederaalaa, ummata Tigraay Paartii tokkon walti hidhee doorsisuu hin qabu jedhan.
Prezidaantiin bulchiinsa yeroo kan naanoo Tigraay Obbo Geetachoo Radda ibsa kaleesaa dhaabbata Televijiinii Dimtsi Weyanee jedhamuu irratti keenaniin rakkinaa naanicha keessati mulachaa jiruuf itti gaafatamaan hoggansaa ABUT ta’uu isaa ibsaniiru.
Rakkinichii olaantumaa garee tookkoo kabachiisuudhaaf waan ta’ee jiruudha kan jedhan obbo Geetachoo Radda, nageenyaa sabaatii mannaa fedhii dhuunfaa isaanii namoottan dursaniin waan raachaa jiruudhaa jechuu isaanii Mulugeetaa Atsibahaa Maqalee irraa gabaasera.