Dorgomaan Bishikileetii lammiin Eertraa Biniyaam Girmaay har’a gara Eertraatti ennaa deebi’u Asmaraa keessatti simannaan gootaa taasisameefii jira. Dorgommii Bishkileettiin sadarkaa tokkoffaan injifatee rekordii kan cabse Biniyaam badhaasa qabxii ol aanaa dorgommii kanaan galmeessiseef kannamu kan injifataa “Tour de France’s Green-Jersey” jedhamuu ta’ee jira.
Deggertoonni kuma hedduutti laka’amani, atleetonnii fi bulchiinsi spoortii daandee Asmaraa irra hiriiruu dhaan jersii magariisa uffachuun deggersa qaban ibsaniiru.
Hedduun konkolaataa isaanii halluu magariisa dibuu dhaan baloonii magariisa samii irra gad dhisanii jiru. Biniyaam deggertoota isaa fi deggersa argate mara galateeffatee jira. Biniyaam guyyoota 21f erga deemsa bishikileettii geggeessee booda Olompikii Paaris irratti hirmaatee deebi’e. Biniyaam Girmaay dorgommii cimaa ture sadarkaa Tour de Firaans sadii kan injifatee dorgomaa saffisaaf kan kennamu maaliyaa bifa magariisaa kan argate atileetii gurraacha jalqabaa ta’ee jira.