Paartii Rippaabilikaaniirraa kaadhimamaan prezidaantummaa, itti-aanaa prezidaantummaan Yunaayitid Isteetis duraanii fi Itti-aantuun prezidaantii Yunaayitid Isteetis, Kamilaa Haaris falmii prezidaantummaa magaalaa Filaadelfiyaa ka jiru waaltaa Heeraa Biyyaalessaa keessatti geggeessaniif yeroo waltajjiitti dhihaatan harka wal-fuudhan.

Pirezdaantii Yunaayitid Isteetis duraanii Doonaald Traamp fi Itti-Aantuu Prezidaantii Yunaayitid Isteetis, Kamilaa Haaris, Pensilveeniyaa, Ful.10, 2024.

Kaadhimamtoonni lameen haga ammaatti - guyyaa harra dura jechuudhaa - kallattiin walitti hin dubbanne. Bilbilaanillee hin haasofne. Garuu galgala kana Waaltaa Heera Biyyaalessaa ka magaalaa Filaadelfiyaa jiru keessatti walitti dhiheenyaan dhaabbatanii walitti dubbachuuf jiran Gaazzexeessota Televiiziyoonaa ABC lama, Deevid Muhirii fi Leensii Deevis irraa gaaffiilee dhihaataniif deebisuu irratti dandeettii qaban walitti agarsiisuuf jiran.

Itti-aantuun prezidaantii Yunaayitid Isteetis, Kamilaa Haaris jaqaba falmii harraa irratti “Lammiileen Ameerikaa prezidaantii barbaachisdummaa walitti fiduu hubatutti baay’ee amanan. Waan adda nu qoodu caalaa waan walitti nu fidu akka qabnu hubadhu. Prezidaantii Ameerikaanota hundaaf dhaabatu akka taatun si gaafadha," jedhan.

Prezidaantiin Yunaayitid Isteetis Duraanii Doonaald Traamp, karaa isaanii “Ani gatii meeshaalee dabale hin qabu. Gatii dabale hin qabu jechuu nan danda’a. Isaani kan gatii baay’ee ol bahe qabu. Tarii seenee biyyattii keessatti isa ol’aanaa tahe. Sababaan kana jedheef, yeroo hamaa akka yeeroo isaanii argee hin beeku. Namni gadi bahee waan nyaatu waan akka hanqaaquu fi foonii gogoo foonii bitachuu hin dandeenye,” jedhan

Suuraa kaadhimamtoota lamaanii yeroo wal falmiin geggeeffamu kaafamee wal biratti.

Waa'ee ulfaa of irraa baasuu irratti

Tiraamp : Waggoota shantamii lamaaf seera “Roo gi Weed” jedhamu kutaalee keessatti akka hojiirra oolfamu gochuudhaaf yaalaa turan. Garuu karaa abboota seeraa Mana-murtii muummichaa beekoo fi jajjaboo tahaniin hojjechuu dandeenye. Amma, ulfa baasuu dhorkuun kanneen gudeedaman, kanneen fira maatii keessaan ulfeeffamanii fi kan haadha balaa irra buusu hin ilaallatu. Kan prezidaant Roonaald Reegaanii fi Rippaabilikaanonni dhibba irraa harka saddeettamii shan kan dhimmichi hin ilaallanne ilaalchisanii godhan baay’ee barbaachisaa tahuu isaatti jabeesseen amana. Garuu, argannee jirra, kutaaleen Yunaayitid Isteetis 52 sagalee itti kennuuf jiran. Yeroo jalqabaatiif dhimmi kun kan waggoota shantamii lamaaf biyya addaan qoode tahuu arguuf jirtan.

Haaris: Namoonni waan itti amanan dhiisuu hin qaban. Itti waliigaluuf waan itti amananii qabatan dhiisuu hin qaban. Mootummaa fi Doonaald Tiraamp waan dubartiin tokko waa’ee qaama ishee murteeffattu itti himuu hin qaban.