Pirezidaantiin Yunaaytid Isteets Duraanii Doonaal Tiraamp itti aantuu prezidaantii Kaamilaa Haaris injifachuun marsaa haaraa oggaa afuriif hogganaa biyyattii ta’uun filamaniiru. Dorgommii cimaan dorgomame kanaan, Tiraamp filannoo Kibxata darbe gaggeeffameen sagalee filannoo 538 argamu keessaa hoo xiqqaate 277 argachuun, hogganaa Yunaaytid Isteets bara 1890moota booda marsaa walduraa duubaan hin taane injifate isa jalqabaa ta’an.
