Your browser doesn’t support HTML5
Oromoon Amerikaa ijjeechaa Hacaaluu Hundeessaa,hidhamuu Jawaar Mohaammadii fi haayyota isaatiif hiriira mormiitti jira
Artistii Hacaaluun Hundeessaa Waxabajjii 25 Finfinneetti galaafatan. Sunitti aansee Jawaar Mohaammad,Baqqalee Garbaa fi hedduutti waliin hidhame.
Akka OMN gabaasetti itti aansee istuudiyoon isaanii Finfinnee cufan,achii ammoo Hamzaaa Booranaa,Girmaa Guutamaa fi nama hedduutti hidhame.
Amerikaa fi Awurooppaa keessallee hiriira mormii hedduu deemuutti jira. Warrii DC,MD,fi VA Ministirii Haajaa Alaa Amerikaatti DC jiru duratti bahee akkoo himate.
Minisootaa,achitti ammoo qonsilaa Itoophiyaa St.Paul durattii fi "haqa barbaada baanna,dhugaa barbaada,"jechaa achumaan bulchiinsa magaallan MN fi St.Paul duralleetit bahan jedha Abdurqaadir Duube.
Hiriira mormii Oromoo USA Waxabajjii 1,2020
Gootin keenya,Hachaaluu Hundeessaa wareegamuu isaatiin,goototin keenya Jawaar Mohaammad,Baqqalaa Garbaa fi namoonni baa'een hidhamuu isaanii dhageessifachuuf baane,jette Gennet Gurmeessaa.
“Hidhaa fi ajjeechaan akka dhaabatan manneen qotee bulaa gubuunis nurraa akka dhaabatu barbaadna."
Hiriira mormii Oromoo,MN,Waxabajjii 1,2020
Iftuu Kebbedee warra MInistera Haajaa Alaa Amerikaa duratit hiriira bahe keessaa tokko. "Biyyii sun wanti tasgabbaahuun irra jiraatuuf asi dhufe.Laftii keennas nuhis rakkinnii nu gahe,”jette.
"Jawaar Mohaammad,Beqqelee Garbaa,Hamzaa Booranaa fi hooggantoonnaa fi qaroon Oromoo hedduun hidhamaniiru,”kana himachuuf dhufe jedhe Abdurqadir Duubee.
Amerikaa alatti biyya hedduu keessalleetti hawaasii Oromoo hiriira mormii akkanaa yaamee "qaroo,aktivistootaa fi abbootii qabsoo isaaf falmachuutti jira" jedha warrii hiriira bahe.