Ajjeechaa Hacaaluu hundeessaan kan himatamte Laamroot kamaaliin dhaddachi mana Murtii Olaanaa Federaalaa ka Lidetaa jiru bilisa jedheenii ture. Yaa tahu malee Abbaan Alangaa Federaalaa murtee kana rratti Mana Murtii Olaaanaa federaalaa Siddisti Kiilootti Ol iyyannoo ka galafatee ture yoo tahu Dhaddachi oliyyannoo yakkaa lammaffaa dhimma Laamroot Kamaal irratti murtee kennuuf har'atti jechuun adoolessa 5, bara 2013tti beellamee ture.
Your browser doesn’t support HTML5
Himannaan Laamroot Kamaal irratti Dhihaate Har’as Murtii Xumuraa Hin Arganne
Haa tahu male daddacha ka gaggeessan abbaan seeraa, wal falmii garee lamaanii daddhacha darbeerratti murtee harra kennuun akka hin danda’amne eeranii ammas beellama biroo adoolessa 22, bara 2013’f qabaniiru.
Bakka jirtuu ka dhaddacha kana hordofte himatamtuun Laamroot Kamaal manni murtee beellama kiyya na duraa dheeresseera jechaan himatte.
Abbaan Seeraa dhaddachaa garuu, adoolessa 22 asitti beellama biroo qabuu hi ndandeenyuu jechaan murtee duraan dabarsan raggaasisaniiru.
Ajjeechaa Hacaaaluun namoota to’annoo poolisii jela oolfamanii himanni itti baname afran keessaa takka ka taate Laamroot Kamaal, Gurraandhala 18 bara 2013 Mana Murtii Olaanaa Federaalaa lidetaatti dhiyaattee himata kanarraa bilisa jedhamtee turte. Alas ka ishee guula himataman, Xilaahun Yaamii, Kebbedee Gammachuu fi Abdii Alamaayyoo Manni Murtii Olaanaa Federaalaa lidetaa badii irratti muruun ni yaadatama.
Ammas Manni Murtii Olaanaa Federaalaa Lidetaa yaada himatamtoota sadeenii kanaa dhaggeeffachuuf Roobii dhufu; jechuun Adoolessa 8, bara 2013tt beellama qabatee jira.