Naannoo Amhaaraa fi Tigiraayiin bakkoota anaaf ta’a jechuun falmiin irratti ka’u keessatti rakkoowwan jiranitti furmaata waaraa keennuuf koreen akka biyyaatti dhaabbateeru ibsa kenneen bakkoota kanneenitti caasaa bulchiinsaa ariifachiisaan ijaaruuf kallattiin kaa’amuu ibseera.
Koreen akka biyyaleessatti hundaa’eeru gaafa Hagayya 6 bara 2016 ibsa baaseen fi ibsi isaas miidayaalee Mootummaan hoogganamaaniin tamsa’eeru bakkaoota falmisiisoo naannoon Amahaaraa fi Tigiraay anaaf ta’a jechuun falmii kaasiisanitti akkataa walii galtee Piriitooriyaa fi heera mootummaan furmaata waaraa kennuuf sochiin jalqabameeru bu’aa qabeessa ta’uu isaa eereera.
Ibsi koree kanaan kenname kan qabxiilee 13 of keessaa qabu bakkoota wal falsiisoo naannoolee lamaanii keessatti yeroo gabaabaa keessatti bulchiinsi yeroo ni hundaa’as jedheera. Adeemsa isaaafis qindeessummaa humna waraanaa Itiyoophiyaan, mootumaan federaalaa hooggantoota dhaaboolii siivilii ramaduunii fi taajjabadummaa naannoolee lamaaniin hirmaanna uummatichi kallattiin taasiisuun akka ta’us ibseera. Haala kanaanis uummatichi bulchiisa isaaf ta’u ofii isaa akka hundeessuuf gargaaras jedhera.
Koree deebisa eenyummaa fi daangaa Raayyaa Walloo Amaraa kan ta’emmoo ibsa baaseen Koree biyyaaleessaa mootummaa federaalaan hundaa’eeruun ibsi kenname dhugaa lafarra jiru kan hin hubannee jedheera.
Walitti qabaa korichaa kan ta’an Obbo Haayiluu Abarraa yaada Sagalee Ameerikaaf kennaniin bakkoota akka Raayyaa Allamaaxaa, Raayyaa Baalaa, Magaalaa Allamaaxaa , Koorem , Olaa Zaataa fa’aatti yeroo humnoonni waraanaa Tigiraay qabatanii jiranitti bulchiinsa yeroo hundeessina jechuun rakkisaa ta’uu isaa himaniiru jechuun Dassee irraa Mesfiin Arraageetu gabaase.