Naannoo Benishaangul Gumuz Godina Asoosaatti, “Jeequmsa kaastan” sababaa jedhuun namootni 98 eega hidhamanii waggaa tokkoofi baatii 10 darbus, murtii seeraa hin arganne ykn bilisa jedhamanii hin gadhiifamne,” jedhu, maatii fi firoota keessaa kanneen VOAtti dubbatan.
Pireezidaantiin Mana-murtii Waliigalaa Naannoo Benishaangul Gumuz, Obbo Abdiisaa Waasee, “Vaayirasiin Koroonaa Itoophiyaatti mullachuu hordofee akka dhimma namoota komii dhiyeessanii ilaaluun hin danda’amne,” jedhan.
Waajjira Abbaa Alangaa Waliigalaa Federaalaatti, Itti Gaafatamaan Qorannoo Yakka Qindaa’aa fi Daangaa Cehuu Obbo Fiqaaduu Tsaggaa immoo “namootni yakkaan shakkaman hedduu waan tahaniif murtoo itti kennisiisuun yeroo fudhata,” jedhan.
Torban dhufu keessa dhaddachi naannawaa gara Asoosaatti waan imaluuf dhimmicha ilaaluu itti fufuuf akka Abbaa alangaatti qophii gochaa jirra, jechuun ibsan.
Your browser doesn’t support HTML5
Benishaangul Gumuz Keessatti Namoonni 98 Murtii Malee Gara Waggaa Lamaaf Hidhamuu Dubbatu, Maatiiwwan Isaanii Keessaa