Naannoo Oromiyaa keessa bakkawwan daawwannaa tuuristii hedduun jiraatanus baayyeen isaanii kan daawwataman akka hin taane dubbata, Biiroon Aadaa fi Tuurizimii Oromiyaa. Itti Aanaa-hoogganaan Biiroo Aadaa fi Tuurizimii Oromiyaa, Obbo Hundee Kebbedee biiroon isaanii haala kana jijjiiruuf hojjetaa jira, jechuun VOAtti himan. Naannoo Oromiyaa keessa kanneen jiran bakkawwan adda addaa tuuristoota daawwachiisuurratti kanneen bobba’anis, qabeenyaan tuurizimii naannicha keessa jiru beeksifamuu dhabuun hanqina ka biraa tahuu himanii, mootummaan naannoo kana sirreessu qaba, jedhu. Gama biraan qabeenya tuurizimii Oromiyaa beeksisuuf ka hundaaye Koomishiniin Tuurizimii Oromiyaa kana guutuuf kan dhimmee hojjetaa jiru tahuu dubbate.
Your browser doesn’t support HTML5
Gabaasa Haala Tuuriizimii Oromiyaa Caqasaa