Kan Luba Dr. Gammachuu Olaanaatiin hoogganaman luboonnii fi michoonni Tokkummaa Waldoota Oromoo torban dabre keessa Ministirii Dhimma Alaa Yunaayitid Isteets fi Mana-maree Bakka-bu’ootaa biyyattii deemuudhaan haala itti mootummaan Itiyoophiyaa mormii barattoota Oromoo qabee jiruu fi hidhaa seeraa-alaa mormitootaa fi gaazzexeessota irratti geggeessamu ilaalchisee yaaddoo qaban aangawoota Ameerikaaf ibsanii jiran.
Akkasumas, kan as Waashinton Diisii keessa jiru Embaasii Itiyoophiyaatti argamuudhaan Ambaasaadder Girmaa Biruu waliinis dubbatanii jiru. Mootummaan mirga barattootaa fi lammiwwan isaa, ka deemsa siyaasaa keessatti walabummaan hirmaachuu fi spdaa malee mormii ofii ibsachuu heera biyyattii keessatti tumamee jiru akka kabajuu fi tiksu gaafatan, luboonni kunii fi waahiloonni isaanii.
Your browser doesn’t support HTML5
Gaaffii fi deebii hoogganaa gurmuu kanaa fi prezidaantii Tokkummaa Waldoota Oromoo Warra Wangeelee, ka Luba Dr. Gammachuu Olaanaa dhaggeeffadhaa