Bulchaan Godinaa Matakkal Obbo Attinkuut Shittuu, “namoonni hidhaman, kanneen “Oneg Shanee” bilbilaan, nyaataa fi odeeffannoo kennuun gargaaraa turan,” jedhan.
Haaluma wal-fakkaatan, “magaalaa Naqamteetti namoonni hedduun eega hidhamanii baatii tokkoo haga baatiilee jahaa tahe, mana-murtiitti hin dhihaanne yokaan gadi hin lakkifamne,” jechuun himatu – abukaatoon isaanii fi maatiilee keessaa.
Itti gaafatamaam Biiroo Bulchiisaa Nageenyaa magaalaa Naqamtee, Obbo Misgaanuu Waaqgaarii, gama isaaniitiin, “namoonni hagi xiqqoon nageenya magaalattii waan jeeqaniif hidhamanii jiru. Yakki isaan raaw’atan qulqulleeffamaa jira,” jedhan.
Biiron Bulchiisaa fi Nageenyaa Oromiyaa immoo, “Oromiyaa keessatti namni yakkatti shakkamee qabamee mana-murtiitti hin dhihaatiin hin jiru” jedha. Gabaasaa guutuu caqasaa.
