Walga’iin paartii mootummaa Itiyoophiyaa fi paartiilee mormitootaa waliin geggeessamaa jiru marsaa ja’affaa dhaa booda amma illee sirna ittiin waliin-dubbannaatti seenan ijaaruu keessatti dhimmoota ijoo ta’an irratti haga ammaatti walii-galtee irra hin geenye.
Sirna waliin-dubbannaa tolchuu keessatti, dhimmoonni wal-falmsiisoo ta’an ijoon tokko, qaamni sadaffaan waliin-dubbannaa san hoogganuu fi taajjabu jiraachuu qaba moo hin qabu? ka jedhu. Ka biraan immoo, gamtaan paartiile mormitootaa “Medrek” akka mormituu ijoo paartii mootummaa waliin gita tokkotti dubbatuutti fudhatamuu qaba, ka jedhu. Kanneenii fi ka biroo irratti otuu waliigaltee tokko irra hin ga’amiin gara ajandaa waliin dubbannaatti seenuun hin danda’amu. Hirmaattota walga’ichaa keessaa tokko ka ta’an – miseensa koree hoji-geggeessituu Koongiresa Federaalawa Oromoo – Obbo Xuruneh Gamtaa haasofsiisnee jira.
Kana cuqaasuun guutummaa gaaffii fi deebii kanaa dhaggeeffadhaa
