Hojii gaazexeessummaa hojjetaa utuu jiruu to’annaa ooluun isaa gabaasamaa kan ture lammiin Keeniyaa Yaasiin Jumaa mana Obbo Jawaar Mohamed keessatti kan qabame ta’uu isaaf gaazexeessaa ta’uu isaa kan hin beeku jedhe abbaan alangaa.
Your browser doesn’t support HTML5
Abbaan Alangaa Gaazexeessaa Yaasin Jumaa Akka Hiikkamu Ajeja Kennuu Beeksise
Abukaatoon shakkamaa kanaas maamilli isaanii jecha mana murtiif kenneen ogeessa teeknooloojii ragaa ta’uu ibsuu isaa VOAf ibsaniiru.
Abbaan alangaas Yaasin Jumaa akka hiikamu ajaja kennuu beeksiseera.
Du’a artist Haacaaluu booda haala uumamee fi miidhaa dhaqqabe keessaa harka qabu jedhamuu dhaan kan poolisiin shakkee to’annaa jala oolche keessaa lammiin Keeniyaa Yaasin Jumaa tokko.
Shakkamaa kana ilaalchisuu dhaan gabaasaaleen sabaa himaalee dhaan tamsaasaman lammiin Keeniyaa kun gaazixeessota waliin hojjetaa utuu jiruu qabamuu isaa fi hiriira mootummaa morumu gabaasaa utuu jiruu poolisii dhaan seeraan ala qabame ka jedhu. Haa ta’u malee shakkamaan kun abukaatoon isaa obbo Kadir Bulloo mana murtiif akka ibsaniif barreeffamaan kan kenne VOAf dubbisaan akka dhiyeessanitti ogeessa odeeffannoo teeknooloojii ta'uu isaaf fiilmee seena galmeessaa dhimma barattoonni marsariitii irratti baratan kan naannolee Oromiyaa gabaasuuf gamasitti kan imale ta'uu abbaan alangaa beeksisee jira.