Rasaasaan dhawamee ajjeefamuu Artistii beekamaa Haacaaluu Hundeessaa ilaalchisee, gaddi shaamaa mormii ibsuu, sirni yaadannoo artistichaa fi mormiilee magaalaalee fi kutaalee adda addaa as Yunaayitid Isteetis, Kaanadaa, Biriteen, Jarmanii, Siwiidin fi Nezelaands keessatti guyyoota sadi’iif walitti fufee geggeessamee jira.
Your browser doesn’t support HTML5
Jarman, Yunaaytid Isteeta, Neezerlaandis, Kaanaadaa, Swiidiin; Mormii Lammiiwwan Oromoo Biyya Alaa Jiraatanii
Sirni yaadannoo halkan dabre Minisootaatti geggeessame isa guddicha. Ajjeefamuu Artist Hacaaluu tii booda, hooganoonni siyaasaa Obbo Jawaar Mohammed fi Obbo Beqqelee Garbaa hidhamuu, akkasumas, haala hamaa Oromiyaa keessatti deemaa jira – jedhanis balaaleffatanii jiran, dhalattoonni Oromoo kun.
Bulchaa kutaa sanaa fi bulchitoota magaalaa dabalee aangawoonni Yunaayitid Isteetis, ajjeechaa Artist Haacaaluu irratti raaw’atametti guddaa gadduu isaanii ibsuun, tumsa isaanii barreessanii jiran.
Hachalu Hundessa showed that music could change hearts and minds across the world. My heart goes out to the Oromo community mourning his powerful voice and tireless activism. https://t.co/3AY8pLCioR
— Governor Tim Walz (@GovTimWalz) July 2, 2020
Sirna dungoo ibsuu, Hiiwstan Teeksaas
Godina Teeksaas magaala Hiwstan keessattis sirni yaadannoo artiis Haacaaluu bifa kanaan qophaahuu dargaggoon saganticha irratti hirmaate, Eebbaa Murtii Sagalee Ameerikaatif ibseera.