WAASHINGITAN, DIISII —
Gareen mirga dhala-namaaf falmu, Amnistii Internaashinaal, Tokkummaan Mootummootaa uggura meeshaa waraanaa Sudaan Kibbaa irra kaa’ee ture akka haaressu gaafatee jira.
Sudaan Kibbaa keessatti dhukkaasa-dhaabinsi tolfamee fi baatii Guraandhalaa keessa mootummaan walitti-dhufeenyaa hundeessameyyuu, bara kana hookkarri, cunqursaa fi yakkawwan waraanaa namoota hidhannoo hin qabne irratti geggeessamu harka afuriin dabale jedha, Amnistii Internaashinaal.
Golli Naga-eegumsaa, ka Tokkummaa Mootummootaa yeroo duraatiif, Caamsaa bara 2018 uggura meeshaa waraanaa Sudaan Kibbaa irra ka’ee, waggaa tokko booda immoo haaresse. Caamsaa, bara 2020s irra-deebi’e haaresse.
